Успешна спасувачка акција на Кораб

Повреден планинар денеска беше успешно спасен на планината Кораб, откако преку Единствениот број за итни повици 112 била пријавена несреќата.

— реклама —

Како што информираат од Центарот за управување со кризи, планинарот поради повредата не бил во состојба самостојно да се движи.

— реклама —

По добиената пријава, РЦУК Тетово веднаш координирал акција со СВР Тетово, Полициската станица Маврово и ЈП „Национален парк Маврово“, со цел брза интервенција на терен.

Ренџерите од Националниот парк успеале да го лоцираат повредениот планинар, кој бил во стабилна состојба, по што започнала акција за негово безбедно спуштање кон селото Жужње.

— реклама —

Во селото планинарот бил преземен од екипа на Итната медицинска помош од Гостивар за понатамошен транспорт и медицински третман.

Од ЦУК посочуваат дека, благодарение на брзата реакција и координацијата меѓу надлежните служби, планинарот бил безбедно евакуиран и се наоѓа во стабилна состојба.