„Уште еден град – ВМРО-ОКГ и Мицкоски продолжуваат да ја трујат Македонија“, велат од СДСМ

СДСМ преку соопштение соопшти дека, според резултатите од Центарот за јавно здравје, водата во Пласница е неисправна за пиење и побара од надлежните институции да преземат одговорност.

— реклама —

Од партијата наведуваат дека ова, според нив, е уште еден случај по Гостивар, Валандово, Лешок и Крушево, оценувајќи дека станува збор за сериозен проблем што бара итна институционална реакција.

— реклама —

— реклама —

Во партиското соопштение СДСМ упатува остри критики кон Владата и ВМРО-ДПМНЕ, обвинувајќи ги дека не преземаат соодветни мерки за заштита на здравјето на граѓаните. Од партијата тврдат дека, додека Владата се занимава со други политички прашања, граѓаните во одредени места се соочуваат со вода што, според анализите, не е безбедна за пиење.

— реклама —

СДСМ го повика министерот за здравство и институциите под негова надлежност да преземат одговорност, а побара и јавноста да биде целосно информирана за резултатите од анализите на водата. Воедно, од партијата прашуваат дали ќе биде поведена постапка за утврдување на евентуална одговорност за случајот.