„Уште еден удар по џебот на граѓаните – поскапува и парното“, вели СДСМ

СДСМ преку соопштение реагира на одлуката за зголемување на цената на топлинската енергија, оценувајќи дека станува збор за нов удар врз животниот стандард на граѓаните.

— реклама —

Од партијата велат дека, и покрај најавите на премиерот Христијан Мицкоски за намалување на цените, во изминатиот период следувале нови поскапувања.

„По горивата, сега поскапува и парното. Наместо пониски трошоци, граѓаните добиваат нови финансиски оптоварувања“, наведуваат од СДСМ.

— реклама —

Според партијата, во последните недели значително се зголемиле цените на горивата, храната, производите во маркетите и транспортот, што дополнително го отежнува секојдневниот живот на граѓаните.

— реклама —

Од СДСМ оценуваат дека економската состојба е сериозна, а семејните буџети се под силен притисок, посочувајќи дека потрошувачката кошничка достигнала речиси 70.000 денари за покривање на основните животни потреби.

Во соопштението се наведува дека, покрај високите цени и зголемените трошоци за живот, граѓаните сега ќе се соочат и со повисоки сметки за греење во пресрет на зимската сезона.

— реклама —

Од партијата ја обвинуваат Владата дека со своите политики ја влошува економската и социјалната состојба во државата и ги турка граѓаните во сè подлабока сиромаштија.