Поради реализација на инвестициски зафат за реконструкција и модернизација на дистрибутивната мрежа, утре делови од Скопје ќе останат без електрична енергија, информираат од ЕВН.
Прекинот во снабдувањето ќе трае од 06:05 до 08:05 часот, а активностите се спроведуваат со цел подобрување на квалитетот и сигурноста на снабдувањето со електрична енергија.
Во наведениот период без струја ќе бидат поголемиот дел од Гази Баба, Автокоманда, Железара, поголемиот дел од Чаир, Серава, Саук Чешма, Даме Груев, дел од Бутел кој се граничи со Железара, Ист Гејт, Кнауф, како и помал дел од Топанско Поле.
Прекин во снабдувањето ќе има и кај Природно-математичкиот факултет, Хемискиот институт, Шумарскиот факултет, Ветеринарниот институт, Хотел „Континентал“ и Општина Гази Баба.
Од ЕВН апелираат граѓаните да имаат разбирање за привремените прекини, кои се дел од активностите за подобрување на електродистрибутивната мрежа.
