Жителите на селото Морани, во Општина Студеничани, утре (7 август) ќе останат без вода поради дефект на водоводната мрежа, информираат од ЈП „Водовод и канализација“.
Според известувањето, прекинот во водоснабдувањето ќе започне во 08:00 часот поради дефект на затворач со пречник од 100 милиметри на улица „1“, во близина на кружниот тек.
Од претпријатието посочуваат дека водоснабдувањето ќе биде прекинато сè до целосно отстранување на дефектот, а без вода ќе бидат сите корисници во селото Морани.
