УХМР најавува нестабилно време со засилен ветер и појава на град

Под влијание на циклонска активност со центар над Турција, денеска ќе има развој на нестабилна облачност, проследена со дожд, грмежи и засилен ветер.

Според Управата за хидрометеоролошки работи, локално процесите ќе бидат поинтензивни, со пообилен пороен дожд, силен ветер и услови за појава на град.

— реклама —

Минималната температура ќе се движи во интервал од 11 до 19 степени, додека максималната дневна температура ќе достигне од 28 до 36 степени.

— реклама —

Во Скопје претпладне ќе преовладува сончево време со мала до умерена облачност. Во попладневните часови ќе има услови за развој на нестабилна облачност, проследена со дожд, грмежи и засилен северен ветер.

— реклама —

Минималната температура во главниот град ќе се спушти до 17 степени, а максималната ќе достигне до 33 степени.