Управата за хидрометеоролошки работи најавува променливо облачно и нестабилно време со повремен локален дожд и грмежи.
На повеќе места се очекуваат поинтензивни атмосферски процеси проследени со пообилен пороен дожд, над 15 литри на квадратен метар, грмежи, засилен ветер со брзина поголема од 60 километри на час и услови за краткотрајно невреме со појава на град.
Утринските температури ќе се движат од 11 до 19 степени, а дневните ќе достигнат од 27 до 35 степени.
Во Скопје се очекува променливо облачно и нестабилно време со повремени врнежи од дожд, грмежи и засилен ветер. Во делови од котлината ќе има услови за краткотрајно невреме со пообилен пороен дожд и појава на град.
Минималната температура во главниот град ќе изнесува околу 17 степени, а максималната ќе достигне до 32 степени.
