УХМР најавува температури до 38 степени и услови за краткотрајно невреме

Времето денеска ќе биде сончево и топло со мала до умерена облачност, соопшти Управата за хидрометеоролошки работи.

Ќе дува слаб до умерен ветер од северен правец, а во попладневните часови се очекува локална нестабилност проследена со пороен дожд, грмежи и засилен ветер. Наместа се можни и краткотрајни невремиња со појава на град.

— реклама —

Утринските температури ќе се движат од 12 до 22 степени, додека дневните ќе достигнат од 30 до 38 Целзиусови степени.

Во Скопје ќе преовладува сончево и топло време со мала до умерена облачност и слаб до умерен северен ветер.

— реклама —

Во попладневните часови и во главниот град се очекува нестабилно време со пороен дожд, грмежи и засилен ветер, а во одделни делови од Скопската Котлина ќе има услови за краткотрајно невреме.

— реклама —

Минималната температура во Скопје ќе изнесува околу 17 степени, а максималната ќе достигне до 35 степени.