Управата за хидрометеоролошки работи (УХМР) за денеска најавува променливо облачно и нестабилно време со пороен дожд, грмежи и засилен ветер во повеќе делови од земјата.
Според прогнозата, локално се очекуваат поинтензивни атмосферски процеси во форма на невреме, проследени со пообилни врнежи од дожд, грмежи, силен ветер и изолирана појава на град.
Утринските температури ќе се движат од 10 до 18 степени, додека дневните ќе достигнат од 25 до 34 степени Целзиусови.
Во Скопје се очекува променливо облачно време, а во одделни делови од котлината ќе има услови за нестабилност со пороен дожд, грмежи и засилен ветер.
Од УХМР апелираат граѓаните да бидат внимателни поради можноста од локални невремиња и нагли временски промени во текот на денот.
