УХМР предупредува: Невреме со пороен дожд, грмежи и силен ветер

УХМР информира дека денеска времето ќе биде променливо облачно и нестабилно, со пороен дожд, грмежи и засилен ветер на повеќе места низ државата.

— реклама —

Според прогнозата, локално процесите ќе бидат поинтензивни и ќе има услови за невреме, проследено со пообилен дожд, силен ветер над 60 километри на час и појава на град.

— реклама —

Минималната температура ќе се движи од 8 до 17 степени, а максималната дневна температура ќе достигне меѓу 20 и 28 степени.

— реклама —

Во Скопје времето ќе биде променливо облачно и нестабилно, со пороен дожд и грмежи во одделни делови од котлината, како и засилен северен ветер.

— реклама —

Температурата во главниот град ќе се движи од минимални 12 до максимални 24 степени.