Со остар предмет го ранила вонбрачниот сопруг, осомничена за обид за убиство

Триесетгодишна жителка на Велес е лишена од слобода под сомнение дека извршила обид за убиство врз својот вонбрачен сопруг.

— реклама —

Од Министерството за внатрешни работи информираат дека на 6 јули, околу 19:00 часот, полициски службеници од СВР Велес ја привеле Т.Д. (30) од Велес, откако во семејниот дом со остар предмет му нанела убодна рана на нејзиниот 37-годишен вонбрачен сопруг.

— реклама —

Повредениот бил пренесен во Општата болница во Велес, каде му била укажана лекарска помош, додека осомничената била задржана во полициска станица.

— реклама —

Полициските службеници го пронашле и го одзеле предметот со кој било извршено делото, а за случајот бил известен јавен обвинител.

— реклама —

По целосното расчистување и документирање на настанот, против Т.Д. ќе биде поднесена кривична пријава за кривично дело „обид за убиство при семејно насилство“, казниво по член 123 во врска со член 19 од Кривичниот законик.