Велосипедист со тешки повреди откако во него удрил автомобил во Скопје

Четириесет и петгодишен велосипедист се здобил со тешки телесни повреди во сообраќајна несреќа што се случила вчера попладне на булеварот „Киро Глигоров“ во Скопје.

— реклама —

Од Министерството за внатрешни работи информираат дека на 24 јуни околу 17:30 часот во СВР Скопје било пријавено дека на булеварот „Киро Глигоров“, на спојување од влез-излез од објект, се случила сообраќајна несреќа меѓу патничко возило „киа“ со скопски регистарски ознаки, управувано од К.С. (33) од Скопје и велосипед управуван од М.М. (45), исто така од Скопје.

— реклама —

— реклама —

Во несреќата тешко бил повреден велосипедистот, а повредите му биле констатирани во Комплексот клиники „Мајка Тереза“.

— реклама —

Увид на местото на настанот извршила увидна екипа од СВР Скопје, а се работи на целосно расчистување на околностите под кои се случила несреќата.