Триесет и деветгодишна велосипедистка од Струга се здобила со тешки телесни повреди откако со велосипед удрила во паркирано возило на паркинг простор во селото Мислешево.
Од Министерството за внатрешни работи информираат дека случајот бил пријавен на 30 јуни во 18:00 часот во ОВР Струга, а незгодата се случила претходниот ден, околу 09:30 часот.
Според полицијата, велосипедот управуван од К.Р.С. (39) од Струга удрил во паркиран патнички автомобил „Фолксваген голф“ со струшки регистарски ознаки, сопственост на И.М. (71) од селото Мислешево.
Во незгодата велосипедистката се здобила со тешки телесни повреди, кои биле констатирани во Специјалната болница „Св. Еразмо“ во Охрид.
За настанот бил известен јавен обвинител, а увид на местото извршила увидна екипа.
