Венецуела доби привремена претседателка

Потпретседателката на Венецуела, Делси Родригес, официјално положи заклетва и ја презеде функцијата привремена претседателка на државата, соопштија венецуелските власти.

— реклама —

Заклетвата Родригес ја даде пред својот брат Хорхе Родригес, кој претходно истиот ден положи заклетва како претседател на Народното собрание.

— реклама —

Во своето обраќање, Родригес ги повика Соединетите Американски Држави на соработка со Венецуела, истовремено нагласувајќи дека земјата ќе го зачува правото на „мир, развој, суверенитет и сопствена иднина“.

— реклама —

Претходно, пред пратениците се обрати и Николас Мадуро Гера, син на соборениот венецуелски лидер Николас Мадуро. Тој го ослови својот татко како „претседателот Мадуро“ и побара негово итно ослободување.

— реклама —

Политичката состојба во Венецуела и понатаму останува неизвесна, а меѓународната заедница внимателно ги следи настаните во земјата.