Венс: Трамп сака историски договор, не привремен компромис со Техеран

Потпретседателот Џ.Д. Венс изјави дека администрацијата на американскиот претседател Доналд Трамп се стреми кон постигнување „голем договор“ со Иран, во рамки на кој Вашингтон разгледува понуда на економски стимулации во замена за ограничување на нуклеарната програма на Техеран.

— реклама —

Во обраќање на настан во сојузната држава Џорџија, организиран од Turning Point USA, Ванс нагласи дека целта не е „мал, туку голем договор“, кој би ѝ овозможил на Иран пристап до глобалната економија и економски просперитет, доколку биде прифатен американскиот пакет услови.

— реклама —

Белата куќа разгледува ублажување на санкциите и други економски олеснувања, доколку Техеран се согласи на запирање на збогатувањето ураниум и прекин на поддршката за регионални групи како Хамас, Хезболах и Хутите. Дел од можните мерки би вклучувале и енергетски договори и снабдување со материјали за цивилна нуклеарна програма.

— реклама —

Во исто време, дел од американските функционери тврдат дека сè уште нема формален договор за продолжување на примирјето и дека евентуални нови разговори би можеле да се одржат во Исламабад, иако засега ништо не е официјално потврдено од Белата куќа.

— реклама —

Портпаролката на Белата куќа, Каролин Левит, демантираше дел од медиумските извештаи за формални барања за продолжување на примирјето, но нагласи дека разговорите со Техеран продолжуваат и дека постои оптимизам за постигнување договор.