Ветувања за „туѓа нега“ завршија со измама – тетовчанка останала без пари и без помош

Во Секторот за внатрешни работи Тетово е пријавен случај на измама извршена врз 59-годишна жена од тетовско село.

— реклама —

Според информациите од МВР, на 16 септември 2025 година, околу 15:15 часот, жената пријавила дека била доведена во заблуда од лице со иницијали Х.Н. од тетовско и уште едно машко лице. Тие ѝ ветиле дека ќе ѝ помогнат да добие социјална помош – туѓа нега, но за тоа побарале 500 евра.

— реклама —

— реклама —

Жената ги подготвила потребните документи и на крајот на 2024 година добила решение со кое нејзиното барање било одбиено. Таа ги известила осомничените, но тие продолжиле да ја убедуваат дека парите ќе ѝ бидат исплатени набргу. По извесно време го прекинале контактот со неа, по што сфатила дека е измамена.

— реклама —

Од МВР соопштија дека се преземаат мерки за целосно расчистување на случајот.