Стресот е неизбежен дел од секојдневието, но експертите велат дека со неколку едноставни навики може значително да се намали неговото влијание врз физичкото и менталното здравје.
Една од најефикасните стратегии е редовната физичка активност. Дури и неколку минути движење дневно го поттикнуваат лачењето ендорфини, хормони кои го подобруваат расположението, ја намалуваат напнатоста и придонесуваат за поквалитетен сон.
Медитацијата исто така се покажала како еден од најдобрите начини за намалување на нивото на кортизол – хормонот на стресот. Истражувањата покажуваат дека таа може да биде поефикасна од некои други техники за опуштање.
Ароматерапијата, особено со етерично масло од лаванда, има смирувачки ефект врз нервниот систем. Корисни можат да бидат и маслата од бергамот, камилица, лимон, жалфија, темјан и иланг-иланг.
Меѓу препораките е и практикувањето јога, која придонесува за намалување на стресот, регулирање на хормоните и подобрување на работата на кардиоваскуларниот систем.
Експертите советуваат и редовно пиење чај. Истражувањата покажуваат дека црниот, зелениот, како и билните чаеви од камилица и лаванда, можат да помогнат во побрзо закрепнување на организмот по стресни ситуации.
Како природен сојузник против стресот се споменува и хмељот, кој има смирувачко дејство и помага во намалување на мускулната напнатост. Сепак, се препорачува да се консумира преку чаеви или други безалкохолни производи.
Последниот совет е да се намали внесот на кофеин, особено во попладневните часови, бидејќи прекумерната консумација може да го зголеми нивото на кортизол и да го наруши квалитетот на сонот.
Според експертите, најважно е секој да пронајде рутина што му одговара, бидејќи комбинацијата од здрави навики може значително да помогне во справувањето со секојдневниот стрес.
