(Видео) 18 месеци по трагедијата во „Пулс“: Кочани повторно маршираше за 63-те ангели

Во Кочани вчера се одржа 49. „Марш за ангелите“, на кој семејствата и граѓаните им оддадоа почит на 63-те млади животи што трагично згаснаа во пожарот во дискотеката „Пулс“.

— реклама —

Осумнаесет месеци по трагедијата, семејствата повторно чекореа низ улиците на Кочани со пораки за вистина, одговорност и правда. Од Здружението „16 Март 2025“ порачаа дека времето не ја намалува болката и дека 63 семејства и натаму живеат со празни места во своите домови.

— реклама —

Маршот, кој започна во 17:05 часот од Паркот на Револуцијата, беше и повик до граѓаните поддршката да ја покажат не само преку социјалните мрежи, туку и со лично присуство и солидарност.

Од Здружението посочија дека за семејствата е важно Кочани да покаже дека не заборава и дека заеднички ја испраќа пораката за иднина во која човечкиот живот, безбедноста и одговорноста ќе бидат на прво место.

— реклама —

— реклама —