(Видео) Авион на „Туркиш ерлајнс“ се запали при слетување во Непал, евакуирани 277 патници

Авион на Туркиш ерлајнс утринава се запали при слетување на главниот аеродром во Непал. Според првичните информации, нема повредени меѓу 277-те патници и членови на екипажот.

— реклама —

Станува збор за авион Airbus A330, кој летал од Истанбул и слетал на Меѓународниот аеродром Трибхуван.

— реклама —

— реклама —

По слетувањето на пистата, на десната страна од авионот биле забележани оган и густ чад. Патниците веднаш биле евакуирани, додека противпожарните и итните служби интервенирале за локализирање на пожарот.

Поради инцидентот, аеродромот привремено е затворен за сообраќај, а надлежните служби спроведуваат истрага за причините за пожарот.