(Видео) Два aвиона за малку ќе се судреа над Лос Анџелес

Два патнички авиони на „Ер Франс“ и „Американ ерлајнс“ опасно се приближиле еден до друг веднаш по полетувањето од меѓународниот аеродром во Лос Анџелес, САД. Инцидентот се случил на 7 ноември, околу 00:20 часот по локално време, а американските воздухопловни власти започнале истрага.

— реклама —

Според Федералната управа за воздухопловство на САД (FAA), авионот на „Ер Франс“, кој летал кон Тахити, направил неовластено свртување по полетувањето и се нашол на патеката на авионот на „Американ ерлајнс“, кој истовремено полетал од паралелна писта на пат кон Далас.

— реклама —

Снимките од комуникацијата со контролата на летање покажуваат дека контролорите итно реагирале за да спречат судир. На екипажот на „Ер Франс“ му било наредено нагло да сврти надесно и да се врати на предвидената патека, додека авионот на „Американ ерлајнс“ добил наредба да ја намали висината.

По отстранувањето на опасноста, контролорите повеќепати побарале објаснување од францускиот екипаж за отстапувањето од зададената патека, но ниту по речиси 20 минути комуникација не добиле јасен одговор.

— реклама —

Контролата на летање го класифицирала настанот како можно отстапување на пилотите. Двете авиокомпании засега не го коментирале инцидентот.

— реклама —