(Видео) Авион падна во близина на куќи во Калифорнија: Две деца загинаа, двајца се тешко повредени

Две деца загинаа, а две возрасни лица се тешко повредени во авионска несреќа во близина на аеродромот Сиера Скај Парк во Фресно, Калифорнија.

Малиот авион се урнал во саботата, нешто пред 14 часот по локално време, по што избувнал голем пожар на брегот на реката Сан Хоакин. Полицијата и противпожарните екипи веднаш пристигнале на местото на несреќата.

— реклама —

Пожарникарите се бореле со пламенот и густиот црн чад, при што се обидувале да спречат огнот да се прошири кон околните куќи.

Во авионот имало четири лица – две деца и две возрасни лица. Децата биле прогласени за мртви на местото на несреќата, додека повредените возрасни лица со тешки повреди биле пренесени во болница.

— реклама —

Засега не се соопштени идентитетите на загинатите и повредените, ниту нивната меѓусебна поврзаност.

Поради несреќата, во околните куќи накратко било прекинато снабдувањето со електрична енергија. Од компанијата „PG&E“ соопштиле дека прекинот бил брзо отстранет.

Американскиот Национален одбор за безбедност во сообраќајот (NTSB) потврдил дека отворил истрага за причините за несреќата.

— реклама —

Според досегашните информации, авионот бил модел „Grumman American Aviation AA-5“, со еден мотор и капацитет за четири лица.

Членот на Градскиот совет на Фресно, Мајк Карбаси, изрази сочувство до семејството на жртвите и повика на молитви за настраданите.

„Ова е ретка и трагична ситуација во северозападен Фресно. Мојата најголема грижа во моментов се преживеаните и семејството кое минува низ нешто незамисливо“, напиша Карбаси на социјалните мрежи.