(Видео) Авион во САД при слетување удри во доставно комбе

Патнички авион на компанијата „United Airlines“ со крилото закачил доставно комбе при приоѓање кон пистата на меѓународниот аеродром Њуарк Либерти во близина на Њујорк, во инцидент што се случил вчера, јавуваат странски медиуми.

— реклама —

Според извештаите, авионот летал од Венеција и се приближувал кон слетување кога дошло до контакт со возилото. И покрај судирот, леталото безбедно слетало, а во него се наоѓале 231 патник и членови на екипажот, кои не се повредиле.

— реклама —

Возачот на комбето се здобил со полесни повреди и добил медицинска помош.

— реклама —

Американскиот Национален одбор за безбедност во сообраќајот (NTSB) започнал истрага за околностите на инцидентот и побарал од авиокомпанијата да ги достави снимките од пилотската кабина, како и податоците од летот.

Во меѓувреме, техничките служби на „United Airlines“ ја проценуваат штетата на авионот, додека се очекува истрагата да утврди како дошло до судирот во близина на пистата.