Блерим Беџети изјави дека ДУИ и ВМРО-ДПМНЕ не воделе официјални разговори за предвремени парламентарни избори.
Тоа го кажа во „Претрес со Ландов“, по прашањата за спротивставените јавни изјави од двете партии.
Беџети рече дека пратениците разговараат меѓу себе во Собранието и дека имало работна група за Изборниот законик. Но, на директното прашање дали партиите седнале на маса за да договараат предвремени избори, неговиот одговор беше негативен.
И покрај тоа, тој смета дека избори ѝ се потребни на државата. Како причини ги наведе внатрешната стабилност и одблокирањето на процесите. Ландов го оспори тој став, посочувајќи дека изборите пред сè им се потребни на политичарите.
Цел разговор гледајте го тука:
