(Видео) „Брука“: Автобуси од Македонија со поддржувачи на Вучиќ тргнале кон митингот во Ниш, па застанале да уринираат покрај автопат

Видео од автобуси со македонски регистарски таблички, кој наводно превезувале поддржувачи на српскиот претседател Александар Вучиќ кон Ниш, предизвикаа реакции на социјалните мрежи. На снимката се гледаат автобуси покрај автопатот, а дел од патниците застануваат да уринираат.

— реклама —

Вучиќ вечерва одржа предизборен митинг во Ниш, на кој се обратија и поранешниот српски претседател Томислав Николиќ и Милорад Додик. Српските медиуми, меѓу кои N1, „Јужне вести“, „Данас“ и „Решетка“, известуваа за собирот и пристигнувањето на голем број автобуси со поддржувачи.

— реклама —

Порталот „Решетка“ објави дека меѓу автобусите имало и возила од Македонија. Во меѓувреме, на платформата Икс се прошири снимка од автобус со македонски регистарски таблички, објавена со натпис „Стижу ‘Нишлије’ из Македоније“.

Во видеото се гледаат автобусите, но и патници што застануваат покрај автопатот да уринираат. Жената што ја коментира снимката реагира со зборот „Брука“.

— реклама —

Видеото предизвика реакции на социјалните мрежи и се поврзува со организираното патување на поддржувачите од Македонија кон Ниш.

View this post on Instagram