До редакцијата на „Скопје1“ пристигнаа фотографии и видео од оштетувања на асфалтната патека на кејот на Вардар во Скопје, во близина на мостот што води кон болницата „Систина“.
На видеото може да се забележат две поголеми дупки кои се формирале на патеката, како и делумно пропаѓање на асфалтната површина на оваа локација.
Станува збор за дел од кејот што секојдневно го користат пешаци, рекреативци и велосипедисти, а оштетувањата се наоѓаат во непосредна близина на мостот кон „Систина“.
Засега не е познато кога настанале оштетувањата, ниту дали надлежните служби веќе извршиле увид на терен.
Фотографиите и видеото ги испрати читател на „Скопје1“, кој ги забележал дупките при движење по патеката покрај реката Вардар.
