Откако граѓанин до редакцијата на „Скопје1“ испрати фотографии и видео од две длабоки оштетувања на патеката на кејот на Вардар, во близина на мостот кон болницата „Систина“, надлежните служби започнаа со нивна санација.
Екипи на ЈП „Улици и патишта“ денеска излегоа на терен и работат на санација на оштетените делови од патеката, со цел безбедно користење на просторот од страна на пешаците и рекреативците.
Со интервенцијата се очекува оштетувањата целосно да бидат отстранети и патеката повторно да биде безбедна за користење.
