(Видео) Демонстрант го прекина говорот на Трамп и му викаше „педофил“ на митинг, обезбедувањето го исфрли надвор

Говорот на американскиот претседател Доналд Трамп во Пенсилванија вчера накратко бил прекинат откако демонстрант почнал гласно да извикува навреди, по што бил отстранет од обезбедувањето.

Инцидентот се случил во фабриката за камиони „Мек Тракс“ во местото Маканџи, каде што Трамп одржувал обраќање пред присутните.

— реклама —

Според извештаите на новинарите кои го следеле настанот, пред фабриката имало неколку демонстранти, меѓу кои и лице што носело транспарент со натпис „Поспаниот Дон“.

— реклама —

За време на говорот, еден од присутните во салата почнал гласно да извикува навреди кон Трамп. Обезбедувањето брзо реагирало, го опколило демонстрантот и го извело надвор од салата.

Снимките објавени на социјалните мрежи покажуваат дека додека бил изнесуван, демонстрантот продолжил да извикува навреди и во еден момент ги кренал рацете, покажувајќи средни прсти.

— реклама —

Инцидентот бил забележан и од повеќе новинари кои присуствувале на настанот, а на фотографиите и видеата може да се види како членовите на обезбедувањето го отстрануваат демонстрантот од собирот.

И покрај краткиот прекин, Трамп продолжил со своето обраќање пред присутните.