Јавното комунално претпријатие Тетово објави видео од дивеењето низ тетовските улици и остро го осудува неодговорното однесување и дивеењето, кое резултирало со оштетување на дрвјата и зеленилото на јавните површини.
Од претпријатието посочуваат дека ваквите постапки предизвикуваат сериозна штета врз урбаното зеленило и негативно влијаат врз изгледот и квалитетот на животната средина во градот.
„Наместо да уништуваме, да садиме. Ако секој засади само едно дрво, нашиот град ќе биде позелен и поубав“, порачаа од ЈКП Тетово.
Од ЈКП апелираат до граѓаните да покажат поголема одговорност и грижа кон јавните површини, нагласувајќи дека зачувувањето на зеленилото е заедничка обврска на сите.
