(Видео) Двајца загинати, 11 повредени во напад врз турски брод во Црното Море

Двајца членови на екипажот загинале, а 11 се повредени откако турскиот брод „Royad Mammadov“ бил погоден од дрон во Црното Море, соопшти романското Министерство за внатрешни работи.

Инцидентот се случил во романската ексклузивна економска зона, во подрачје југоисточно од платформата Пешкаруш. По ударот избил пожар, а бродот потонал.

— реклама —

Романските служби веднаш започнале спасувачка операција. Спасени се 11 членови на екипажот, додека биле идентификувани и две загинати лица.

— реклама —

Повредените биле евакуирани со хеликоптер на Генералниот инспекторат за воздухопловство, кој со помош на витло ги извлекол од бродот, за да им биде укажана итна медицинска помош.

Околу 11 часот, припадниците на граничната полиција од составот на крајбрежната стража добиле известување од Центарот за координација на поморско трагање и спасување во Констанца дека избил пожар на трговски брод во романската ексклузивна економска зона, на околу 30 наутички милји јужно од Свети Ѓорѓи.

— реклама —

Центарот во Констанца ја активирал операцијата за трагање и спасување на лицата загрозени на море, при што брод на крајбрежната стража бил одреден за координатор на спасувачките активности на местото на инцидентот.

— реклама —

Во акцијата учествувале припадници на граничната полиција и Генералниот инспекторат за воздухопловство.