(Видео) Едно лице повредено во силниот земјотрес во Колумбија, урнат дел од ѕид и оштетена црква

Земјотрес со магнитуда од 5,6 степени според Рихтеровата скала рано утрово ја потресе централна и западна Колумбија, при што најмалку едно лице е повредено, а е причинета и материјална штета.

— реклама —

Потресот бил регистриран на длабочина од околу 19 километри, во близина на градот Чапарал, на околу 150 километри југозападно од главниот град Богота. Жителите на департманот Толима, почувствувајќи го тресењето, истрчале на улиците.

— реклама —

Според надлежните служби, едно лице било повредено откако врз него паднал ѕид од куќа во Чапарал. Во блиската област се урнал и дел од конструкцијата на црква, но нема повредени. Евакуација била пријавена и во неколку станбени комплекси во Богота.

— реклама —

По главниот потрес биле регистрирани и неколку последователни земјотреси со магнитуда до 3,5 степени.

Првичната процена на Европско-медитеранскиот сеизмолошки центар била 5,8 степени, но подоцна била намалена на 5,4 степени. Колумбија во август била погодена и од земјотрес со магнитуда од 7,4 степени, во кој загинале 335 лица, а повеќе од 4.500 биле повредени.

— реклама —