(Видео) Француски војници нападнаа танкер што пловел од Русија

Француската морнарица пресретна и изврши контрола на танкер под меѓународни санкции кој пловел од Русија, соопшти францускиот претседател Емануел Макрон.

— реклама —

Според неговата објава на социјалната мрежа Икс, станува збор за танкерот „Тагор“, кој бил запрен во Атлантскиот Океан во операција спроведена на отворено море со поддршка на повеќе партнери, меѓу кои и Обединетото Кралство.

— реклама —

„Неприфатливо е бродови да ги заобиколуваат меѓународните санкции, да го кршат поморското право и да ја финансираат војната што Русија ја води против Украина повеќе од четири години“, порача Макрон.

Француските власти наведуваат дека ова е уште една акција насочена кон таканаречената руска „флота во сенка“ – мрежа на танкери за кои западните земји тврдат дека се користат за транспорт на руска нафта со цел избегнување на меѓународните санкции.

— реклама —

Во март годинава, француски суд во отсуство осуди капетан на еден ваков танкер на една година затвор, бидејќи не постапил по наредба за запирање на пловилото.