(Видео) Ги бранел пред граѓаните, сега ги нарекува неодбранливи: Петров за политиките на власта на СДСМ

Андреј Петров призна дека настапувал во медиумите за да ги брани политиките на СДСМ додека траел падот од власт, но во „Претрес со Ландов“ се согласи дека генерално станувало збор за неодбранлива состојба.

Петров, поранешен градоначалник на Карпош од СДСМ, кој важи за близок до Бранко Црвенковски и е дел од платформата „12:05“ за смена на Венко Филипче и на раководството, беше соочен со прашањето зошто јавно бранел власт чии политики сега ги оценува како погрешни.

— реклама —

„Генерално тоа беше неодбранливо, тука се сложувам“, рече Петров.

На забелешката од водителот дека со таквите настапи ги доведувал граѓаните во заблуда, тој го отфрли тврдењето дека сакал да ги лаже. Објасни дека се обидувал да ги истакне позитивните решенија покрај многуте негативни работи.

— реклама —

Како примери ги посочи студентскиот оброк и враќањето дел од ДДВ кај граѓаните, нагласувајќи дека не било сè лошо во работењето на СДСМ.

— реклама —

Своето учество во партиското раководство го објасни и со повикот од Димитар Ковачевски да помогне во тешка состојба за партијата. Призна дека рејтингот не бил подобрен, но одговорноста за него првенствено ја поврза со работењето на Владата.

Петров тврди дека се трудел да помогне и дека не придонел за лошиот изборен резултат.

— реклама —

Повеќе погледнете тука:

„Претрес“ на Андреј Петров: Го менуваат Филипче, го враќаат Бранко? А Македонија? Гледај на LANDOV.MK 3:02:39