Голем шумски пожар избувна доцна синоќа на хрватскиот остров Вис, во близина на Комижа, каде што огнот зафатил борова шума и ниска медитеранска вегетација.
На терен се ангажирани 70 пожарникари со 15 противпожарни возила, а во гаснењето се вклучени и канадери, како и дополнителна помош од копното.
Според надлежните, пожарот сè уште е активен, а неговото локализирање го отежнуваат сувата вегетација и брзото ширење на огнот. Во текот на ноќта пламените јазици се доближиле до неколку куќи, но пожарникарите успеале да ги заштитат, па засега нема непосредна опасност за населението.
