(Видео) Големи пожари беснеат низ Србија: Прогласена вонредна состојба во Бачка Паланка

Пожарникарските екипи и денес продолжуваат со интервенции на повеќе локации низ Србија, а најтешка е состојбата во Ибарската Клисура, каде што сè уште има активни жаришта на потегот од Маглич до Полумир, како и на планините Жарач над Ушќе и над Сеоце.

Во меѓувреме, пожарите кај Књажевац и Заечар се локализирани, откако огнот зафатил околу 200 хектари шума и ниска вегетација, додека пожарот на регионалната депонија „Срем–Мачва“ е изгаснат.

— реклама —

View this post on Instagram

Нова вонредна состојба е прогласена во Општина Бачка Паланка, откако повторно се разгорел пожарот на локалната депонија. Причината за избувнувањето на пожарот засега не е позната, а противпожарните екипи и понатаму се обидуваат да го стават огнот под контрола.

На подрачјето меѓу Маглич и Полумир сè уште има активни жаришта, додека на планините Жарач пожарот зафатил повеќе од 150 хектари борова шума и ниска вегетација. Огнот е активен и над Сеоце, каде што продолжува интервенцијата на пожарникарите.

— реклама —

View this post on Instagram

Пожари избувнаа и долж магистралниот пат Краљево–Нови Пазар. Поради стрмниот и непристапен терен, огнот се гаси рачно, со напртњачи со вода, а во текот на денот се очекува да бидат вклучени и хеликоптери.

— реклама —

Критична останува и состојбата во Делиблатската Пешчара, каде што нов пожар, поттикнат од високите температури и силниот ветер, зафатил повеќе од 300 хектари.

Според српското Министерство за внатрешни работи, во гаснењето се ангажирани повеќе од 80 припадници на службите за вонредни состојби, доброволни противпожарни друштва и „Војводинашуми“, а од воздух интервенираат три хеликоптери – „Камов Ка-32“, H215 Super Puma и H145.

View this post on Instagram

Пожар избувнал и кај селото Ракова во близина на Чачак, каде што биле зафатени околу три хектари ливади и ниска вегетација. Во интервенцијата биле спасени две куќи и неколку помошни објекти, а една жена побарала лекарска помош поради вдишување чад. Благодарение на брзата реакција на пожарникарите, огнот бил изгаснат во вечерните часови.