(Видео) Груби пречекан со факели и огномет по излегувањето од куќен притвор

Поранешниот вицепремиер Артан Груби синоќа беше пречекан од десетици луѓе во Скопје, откако излезе од куќен притвор во рамките на судскиот предмет во кој е обвинет за проневера на државни пари од Лотарија.

— реклама —

Груби пристигна во придружба на пријатели и соработници, а пречекот беше проследен со огномет, запалени факели и чадни бомби. Атмосферата на настанот, според објавената снимка, наликуваше на прослава по спортски успех, каква што се организира при пречек на спортисти кои освоиле медал.

— реклама —

— реклама —

И покрај излегувањето од куќен притвор, Груби и натаму се соочува со ограничувања. Судот денес не ја прифати гаранцијата што ја понудил за да му биде вратен пасошот, а сè уште важи и забраната да го напушта Скопје додека трае судската постапка против него.

View this post on Instagram