(Видео) Илјадници луѓе евакуирани поради голем пожар во Калифорнија

Илјадници жители во американската сојузна држава Калифорнија биле принудени да ги напуштат своите домови поради голем шумски пожар што зафатил повеќе од 526 хектари земјиште.

— реклама —

Пожарот, наречен „Сенди“, избувнал во понеделникот наутро на ридовите над Сими Вали, град кој се наоѓа на околу 48 километри северозападно од Лос Анџелес, пренесува агенцијата „Анадолија“.

— реклама —

Пожарникарските екипи се борат со огнената стихија, а властите издале наредби за евакуација на населението од загрозените подрачја.

Засега нема официјални информации за повредени лица или уништени домови.

— реклама —