Ирански медиуми јавија дека во нападот врз инфраструктурен објект загинале две лица, додека значителна штета е предизвикана врз стратешки мост во близина на Техеран.
Иранскиот министер за надворешни работи, Абас Аракчи, реагираше на нападите, оценувајќи дека тие се показател за слабост на противникот.
„Нападите врз цивилни објекти, вклучително и недовршени мостови, нема да ги натераат Иранците на предавање“, напиша Аракчи на социјалната мрежа Икс.
Тој додаде дека ваквите напади претставуваат „пораз и морален слом на непријателот во неред“.
Според извештаите, двојниот напад предизвикал уривање на големи делови од мост долг речиси еден километар. Снимките што се шират на социјалните мрежи прикажуваат како конструкцијата се распаѓа и паѓа по ударите.
Мостот бил дел од инфраструктурен проект со цел намалување на сообраќајниот метеж меѓу Техеран и Карај, како и подобрување на поврзаноста со северните делови на земјата.
