(Видео) Ковачки: ВМРО-ДПМНЕ со убедлива победа во првиот круг во Брвеница, на 1 ноември одиме да ја потврдиме победата

ВМРО-ДПМНЕ освои близу 3.000 гласа во првиот круг од локалните избори во Брвеница, а на 1 ноември очекува да ја потврди победата и да го добие градоначалничкото место, порача генералниот секретар на партијата и пратеник, Драган Ковачки на денешната прес-конференција.

— реклама —

Тој им се заблагодари на граѓаните кои излегоа на гласање, а особено на оние што му ја дадоа поддршката на кандидатот на ВМРО-ДПМНЕ, Стојанчо Радичевски.

Ковачки оцени дека резултатот е показател за довербата што граѓаните му ја дале на кандидатот, посочувајќи дека СДСМ, ДУИ и Левица заедно освоиле помалку гласови од ВМРО-ДПМНЕ.

— реклама —

Тој му честиташе на Радичевски за резултатот и им се заблагодари на партиските членови, активисти и поддржувачи за нивниот ангажман во кампањата. Според Ковачки, позитивната атмосфера, средбите со граѓаните и поддршката од населените места биле значаен дел од изборниот процес.

— реклама —

Генералниот секретар на ВМРО-ДПМНЕ најави дека партијата влегува во вториот круг со голема предност и дополнителна мотивација, со цел Радичевски да биде избран за градоначалник на Брвеница.

„Нашата цел е Брвеница да биде општина на сите нејзини жители, со подобри услови за живот, нови можности и конкретни проекти што ќе донесат вистински напредок“, порача Ковачки, заблагодарувајќи им се на граѓаните за поддршката и учеството во изборниот процес.