(Видео) Крави повторно го узурпираат центарот на Крива Паланка, Општината бара кризна состојба

Над 1.000 грла крупен добиток неконтролирано се движат низ Крива Паланка, влегуваат во централното градско подрачје, уништуваат земјоделски насади и предизвикуваат штети на приватен и општински имот.

— реклама —

Поради долгогодишниот проблем и сè поголемите загуби на локалното население, Општина Крива Паланка бара Владата да прогласи 30-дневна кризна состојба. Со тоа, како што наведуваат од Општината, би се обезбедиле дополнителни финансиски средства, кадар, опрема и координација меѓу надлежните институции за решавање на проблемот.

— реклама —

Од Општината бараат Агенцијата за храна и ветеринарство во рок од една недела да достави конкретен оперативен план и да започне со спроведување на правосилните решенија од 2024 година за одземање на животните од регистрираните одгледувалишта.

Планот треба да опфати теренски акции, стручни екипи, специјализирани возила и полициска асистенција. Од локалната самоуправа децидни се дека спроведувањето на решенијата не смее да се одложува ниту да се условува со одлуката на Владата за прогласување кризна состојба.

— реклама —

Во спротивно, Општината и оштетените граѓани најавуваат поднесување кривични пријави против одговорните во Агенцијата за храна и ветеринарство.

— реклама —

View this post on Instagram