(Видео) Кравите кои ја окупираат Паланка се на државата– АХВ ги одзела уште во 2024 година, откри градоначалникот

Добитокот што слободно се движи низ Крива Паланка веќе е одземен со правосилни и извршни решенија и е во сопственост на државата, тврди градоначалникот Сашко Митовски.

Во „Претрес со Ландов“ предупреди дека административното одземање не е проследено со целосно решавање на проблемот на терен, додека граѓаните продолжуваат да трпат штети.

Според неговото објаснување, решенијата биле донесени во март 2024 година, а следниот месец станале правосилни и извршни.

— реклама —

Митовски посочи дека токму тука настанува апсурдот: поранешните сопственици, според неговото толкување, повеќе не одговараат за добитокот како сопственици, а институциите што треба да постапат не го спроведуваат решението во целост.

Тој ги посочи Агенцијата за храна и ветеринарство и Агенцијата за управување со одземен имот како институции со улога во постапката.

— реклама —

Раскажа дека во претходна акција биле заловени околу сто грла, но дека недостига организирано постапување за останатите животни, нивното сместување и понатамошното располагање.

За бројноста кажа дека во 2021 година, според тогашната официјална комуникација со институциите, станувало збор за околу 570 грла. За актуелната состојба предупреди дека нема прецизен попис и дека бројката расте со новоотелените животни.

Митовски кажа дека последиците не се само уништени ниви и земјоделски насади. Во зима добитокот се спушта во пониските делови и на сообраќајниците, а во лето се движи во близина на подрачјата од кои градот се снабдува со вода.

— реклама —

Неговото барање е Владата да прогласи кризна состојба, со јасен оперативен план, распределени обврски и обезбедени ресурси.

Ландов го соочи и со одговорноста на локалната власт, прашувајќи зошто граѓаните и по толку години слушаат објаснувања за надлежности, наместо да добијат решение. Митовски одговори дека не бега од проблемот и дека чувствува морална одговорност кон сограѓаните.

— реклама —

Како добитокот станал државен, зошто решенијата не го запреле хаосот и кој треба да одговара за штетите?

Гледајте го целиот „Претрес“.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09