(Видео) Крмов кон Мицкоски: Во кое својство сте и финансиски консултант и стечаен управник на Алта банка?

Пратеникот на Левица, Борислав Крмов, на денешната надзорна расправа за случајот со АЛТА банка упати прашања до премиерот Христијан Мицкоски за неговата улога во процесите поврзани со влезот и работењето на банката во Македонија.

— реклама —

Крмов побара Мицкоски да објасни врз основа на кои законски овластувања се вклучувал во прашања што се во надлежност на регулаторните и другите надлежни институции. Како примери ги посочи консултациите со гувернерот Трајко Славески пред влезот на банката на македонскиот пазар, јавните изјави за нејзина продажба и разговорите со други банки.

— реклама —

„Очигледно во оваа држава веќе не ни требаат институции. Доволни сте само Вие“, рече Крмов, критикувајќи го, како што го оцени, мешањето на политичката и институционалната улога во банкарскиот сектор.

— реклама —

Со прашањето „Во кое својство сте и финансиски консултант и стечаен управник на АЛТА банка?“, пратеникот ја оспори улогата на премиерот во процесите поврзани со банката.

— реклама —