крмов

Крмов: Секој трет денар во Буџетот е задолжување и од странски пари

„Овој буџет не е развоен. 90% од буџетот отпаѓа на тековни расходи. Само 9.7% одат на капитални инвестиции, дури и помалку, затоа што е ставено и НАТО во капитални инвестиции, небаре пукање бомби носат економски раст и создаваат некаква економска вредност“ -  истакна пратеникот Крмов во своето обраќање по однос на Буџетот на денешната Седница.Во продолжение, пратеникот од Левица даде посебен акцент на фактот дека секој трет денар во овој Буџет е предвидено да дојде од задолжување.„31% од овој Буџет се предвидени од задолжување. Значи секој трети денар е од странски пари. Над 1.6 милијарди враќаме долгови секоја година. Додадете ги тие пари на пензискиот фонд којшто е 2,4 милијарди евра, ние имаме буквално пола буџет којшто е долгови и пензии.“Крмов рече дека „Спрема тоа како се има трошено милијардата од Унгарија, ние гледаме како ќе се трошат 6 милијарди од Британија“ и потсети на барањето од Левица јавно да се сподели кои фирми ги добиле парите од кредитите коишто народот ќе ги плаќа, но власта одлучила да го крие нивниот идентитет. „Како прво 250 милиони кои отидоа во приватниот сектор и ден денес ги криете фирмите. Левица упати барање до Министерството да ги објавите фирмите, ние имаме добиено одговор 'дека ќе бил нарушен интересот на фирмите'. Значи приватниот интерес на фирмите е пред јавниот интерес. Тоа не носи до сомнеж дека тие пари имаат отидено кај фирмите блиски до ДПМНЕ.“Пратеникот од Левица заклучи дека Буџетот којшто го проектира власта за 2026 година е потрошувачки, и предвидува само десетина проценти за капитални инвестиции, за чијашто реализација се сомнева.

Македонија | пред 2 седмици

(Видео) Крмов бара одговор: Зошто Владата одбила бескаматен кредит од Кина и се задолжува поскапо кај Лондон?

На седницата за пратенички прашања, пратеникот од Левица, Борислав Крмов, го упати своето прашање до министерот за транспорт и врски, Александар Николовски, барајќи одговор зошто Владата одбила бескаматен кредит понуден од Народна Република Кина и на брза лента се одлучила за заемот на Обединетото Кралство. Крмов потсети дека договорот со Обединетото Кралство, преку кој треба да се земе заем од околу 3,5 милијарди евра, сè уште не е објавен и дека според најавите кредитот е со камата меѓу 3 и 4,5%.Со таков непромислен потег, како што посочи, државата ќе ја оштети сопствената економија за најмалку 850 милиони евра, а штетата може да достигне и милијарда евра.Дополнително, Крмов нагласи дека најголемите светски економии, меѓу кои САД, Европската Унија и Обединетото Кралство, се меѓу најголемите корисници на кинески кредити: САД со над 200 милијарди долари, ЕУ со над 160 милијарди, а Обединетото Кралство со 60 милијарди евра.„Дали мислиме дека тие земаат поскапи кредити од Кина одошто кредитот што тие ни го нудат нам?“ праша Крмов, посочувајќи дека Македонија изгледа како единствена земја без осет за национален интерес, која доброволно се откажува од најевтиниот капитал на светот. Крмов истакна дека никаков економски аргумент не ја оправдува одлуката да се одбие бескаматниот кредит. Тој укажа и на серијата чекори со кои Владата непотребно ја турка Македонија во конфронтација со Кина - од средби со претставници на Тајван, до приклучување кон критични изјави.На крајот, пратеникот постави директно прашање до министерот Николовски: Дали Владата била присилена да прифати Македонија да биде пионче во геополитичките игри? Дали до толку немаме сенс? Или пак станува збор за страв од неуспех на зацртаните коруптивните зделки? Доколку не биле присилени, која е економската и политичката логика што стои зад одлуката да се прифати кредит кој ќе го чини македонскиот народ од 850 милиони до една милијарда евра повеќе?

Македонија | пред 3 седмици

Крмов: Забраната за рекламирање на Левица е политичка цензура

На народниот собир во Велес, освен претседателот на партијата Димитар Апасиев, присуствуваше и пратеникот Борислав Крмов, кој е и координатор на Изборна единица 3. Крмов се обрати пред граѓаните и зборуваше за цензурата со медиумско рекламирање што ѝ се прави на Левица.„Претседателот Апасиев и јас, како пратеник од оваа Изборна единица, сме тука за да дадеме поддршка на нашите членови од советничката листа. За локалните проблеми тие зборуваа и тие најдобро ги познаваат. Јас сакам да се осврнам на главната вест – забраната за рекламирање на Левица,“ рече Крмов.Тој нагласи дека ова не е обична мерка, туку чекор карактеристичен за авторитарни режими:„Граѓаните треба да знаат дека ова е политичка цензура. Авторитарните режими прво удираат на својот најголем непријател, а тоа очигледно е Левица. Ако СДСМ беше најголем противник на ВМРО-ДПМНЕ, ваква забрана ќе им се случеше ним. Како може триесет години тоа да не се случи никому, а денес се случува токму на Левица?“Крмов предупреди дека ваквите процеси не застануваат само на партиите:„Ова се, за жал, профашистички тенденции на власта. Прво ќе тргнат со политичките партии што им пречат, а потоа тоа ќе се префрли и кај граѓаните – со цензура, апсења и репресија. Затоа ова мора веднаш да се спречи.“И покрај забраната, Левица најавува дека овој срамен чекор на власта ќе го претвори во предност:„Нашиот наводен хендикеп, што нема да нè има во медиумите, ќе го претвориме во сила. Со тоа што Левица е единствената партија на која ѝ се забранува рекламирање, нè издвојуваат како единствена сила надвор од мноштвото. Ја акцентираат Левица како единствената партија што му прави проблем на ВМРО-ДПМНЕ и на целиот систем, како страно тело кое тие сакаат да го исфрлат.“Крмов порача дека токму тоа е надежта на граѓаните:„Луѓето триесет години чекаат нова, вистинска опција. Тоа е Левица – фактички, единствената опција на овие избори.“

Македонија | пред 2 месеци

Крмов: Пропадна и вториот обид на Левица за надзорна расправа за трагедијата во Кочани - власта гласаше против

Втората иницијатива на партијата, односно пратеничката група на Левица за свикување надзорна расправа по однос на трагичниот настан во Кочани повторно беше одбиена од страна на владејачкото мнозинство, соопштуваат од Левица. Координаторот на пратеничката група на Левица, Борислав Крмов, изрази разочараност од повторното блокирање на иницијативата, потенцирајќи дека уште на 3 април пратениците од Левица поднеле официјално барање за надзорна расправа, кое сè уште не е влезено во процедура поради недоволниот број на пратеници-потписници.„Со шест пратеници немаме доволен број за да поднесеме надзорна расправа. Ни требаат уште минимум девет потписи, но ниту една друга пратеничка група во Собранието не се одважи да се приклучи“, изјави Крмов.Тој истакна дека борбата за институционално расветлување на трагедијата не е завршена и најави дека Левица ќе продолжи да инсистира оваа точка да се најде на дневен ред на следна специјална седница на Комисијата. Тој посочи дека претседателот Апасиев повторно ќе ја предложи иницијативата, по што ќе се види дали владејачкото мнозинство ќе остане на истата позиција.

Македонија | пред 6 месеци

(ВО ЖИВО) Крмов на жешко столче во Претрес: го злоупотребија ли Кочани, бунт за вниамние или борба за систем?

Вечерва во новото издание на подкастот „Претрес со Ландов“ гостува пратеникот од Левица, Борислав Крмов.Во епизодата ќе се отворат прашања кои партијата упорно ги избегнува:– Дали Левица има реален план или само настапи за YouTube кликови?– Дали ја злоупотребија болката на семејства за политичка промоција и ги подгорува тензиите?– Што направија со пратеничките мандати освен кавгите во Собрание?– Кој точно е „виновен“ што никој не сака да соработува со нив?Дали политика  се води со гнев и пароли?Очекувајте одговори на многу прашања.Следете во живо:

Македонија | пред 7 месеци

Антидржавната матрица на пратениците од албанското малцинство, најјасно демонстрирана на собраниската говорница, вели Крмов

Антидржавната матрица на пратениците од албанското малцинство, најјасно демонстрирана на собраниската говорница, вели пратеникот Борислав Крмов од Левица.„Повици за создавање на кризи и отцепување на „албанските општини“ на патот кон ЕУ, ако албанскиот јазик не влезел во Уставот и немало уставни промени.Колегите мора да знаат дека во Македонија сите општини се македонски! И второ: Повеќе никој не се плаши од вашите празни закани!Држава што не може да издржи вакви смешни закани, не заслужува да биде држава.#НеЗаУставниПромени#УставнитеПромениСеПредавство“, додава тој.

Коментари | пред 2 години

Крмов: Ништо не е исто со Левица во Парламентот!

Ништо не е исто со Левица во Парламентот, вели пратеникот Борислав Крмов.„За прв пат после 91 година, македонската држава има вистински народни избраници кои цврсто стојат во одбрана на националните интереси!Народни избраници кои работат за интересите на македонскиот народ и не слугуваат на бирократите од Брисел и Вашингтон.#НеЗаУставниПромени#УставнитеПромениСеПредавство“, вели Крмов.

Македонија | пред 2 години

СДС во својот очај што подолго да останат на власт, полека Републиката ја предаваат во владение на Косово, вели Крмов

Пратеникот Борислав Крмов, од Левица, на социјалните мрежи реагираше на посетата на косовскиот премиер Албин Курти. Тој вели дека СДСМ за да остане подолго на власт републиката ја предаваат во владение на Косово„Ќе мора повторно да се борат Македонците, ако сакаат да имаат држава!Откако со мафијашки методи ДУИ ја спаси Владата на Заев, клептоманите од СДС во својот очај што подолго да останат на власт, полека Републиката ја предаваат во владение на Косово.Самоволието, силеџиството и отворениот сецесионизам кој го демонстрираат политичарите од албанското малцинство, само го хранат револтот кај македонскиот народ и ствараат критична маса.Ќе дојде денот!#СтопЗаКосоваризација#СФСН“, вели Крмов.

Коментари | пред 2 години

Прославата за Илинден е намерно уништена, за да се убие духот на Македонскиот народ, вели Крмов

Пратеникот од Левица, Борислав Крмов на социјалните мрежи објави дека прославата за Илинден била намерно уништена, а атмосферата умртвена како на погреб.„Прославата за Илинден е намерно уништена, за да се убие духот на Македонскиот народ!Полицијата не пушташе луѓе за да има малку публика, а нашата кукавица од Премиер, за 120 години јубилеј, не е на Мечкин Камен.Атмосферата умртвена, како на погреб.Ќе ве истрпиме.Нема да траете уште долго.Илинден ќе живее и покрај вас.Повторно ќе ја кренеме Републиката!Честито 120 години Илинденско востание!#120ГодиниИлинден“, стои во објавата.

Коментари | пред 2 години

Нема фотографија

Пратениците на ДПМНЕ денес на „обработка‘‘ кај странскиот фактор, вели Крмов

Денес, ДПМНЕ ќе им ги испорачаат сите 44 пратеници на министрите за надворешни работи на Австрија, Чешка и Словачка на „обработка“, вели Борислав Крмов, пратеник од Политичката Партија Левица„Првично, при средбата со амбасадорите на гореспоменатите држави одбиле и одлучиле да испратат само делегација. Сепак подоцна се „предомислуваат “ и ќе им ги испорачаат сите 44 пратеници, како што оригинално било побарано од нив.Знаете друга држава каде вака сервилно и поданички им се удоволува на странски државници!?И ДПМНЕ се дрзнуваат да бараат 61 пратеник!? 81 да ви даде народот, ќе останете слуги на странскиот фактор и тесто за месење. На најмал притисок виткате кичма.Единствено Левица пружа автентичен отпор на политиките кои 30 години ни ја уништуваат државата.Се друго е театар“, вели Крмов.

Коментари | пред 2 години

Тоа што беа ставени 11 продолженија на Седници на дневен ред е јасен индикатор дека ќе има предвремени парламентарни избори, вели Крмов

Во вчерашното гостување, пратеникот Борислав Крмов откри дека во Собранието забрзано се ставаат заостанати седници на дневен ред, што единствено потврдува дека се подготвува терен за предвремени парламентарни избори - веднаш после обидот за уставни измени!„Тоа што беа ставени 11 продолженија на Седници на дневен ред е јасен индикатор дека ќе има предвремени парламентарни избори. Ова е всушност еден вид на “чистка”, затоа што, доколку има избори, сите закони кои не се донесени пропаѓаат, без разлика во која фаза се. Затоа што секој НОВ парламентарен состав си почнува од седница број 1!Ние имаме сознанија дека на собраниските служби им е дадено сите заостанати закони да ги чистат. Има генерална директива од Џафери да се чистат сите седници - што е најјасен индикатор дека после обидот да го променат уставот, ние ќе одиме на избори во есен.”

Македонија | пред 2 години

Тоа што го прави ВМРО-ДПМНЕ е постепено омекнување на позицијата и ќе си легнат на брашното на крај, вели Крмов

Борислав Крмов, пратеникот на Левица, во денешното гостување во студиото на ТВ24 рече дека голем број на потенцијални гласови за ВМРО-ДПМНЕ ќе се прелеат во неговата партија, затоа што во наредниот период очекува да се случат уставните измени.- ВМРО-ДПМНЕ бараше начин како своето „не“ да го продаде како „да“. Изјавата на Мицкоски по лидерската средба е „ни риба, ни девојка“. Ако носите маички со „не“ и го палите францускиот предлог во Собрание, тогаш нема поставување услови. Левица рекла „не“ и останува тоа „не“. Тоа што го прави ВМРО-ДПМНЕ е постепено омекнување на позицијата и ќе си легнат на брашното на крајСтравот од губење на гласови на наше конто, го држи ВМРО-ДПМНЕ засега од неприфаќање, а од друга страна трпат голем надворешен притисок. Се што не е потплатено, непоткупено ќе се слева во Левица и тие тоа не сакаат да го дозволат , рече Крмов.Рече дека неговата партија е единствена која има цврст став против внесувањето на Бугарите во Уставот затоа што, како што вели, ќе следуваат потоа други порадикални барања од страна на Бугарија.- ЕУ не е најпаметна, не ги интересира нив супстанцата, нив ги интересира формата и тоа да бидат успешни дипломати.Ќе не тераат да признаеме дека нашиот јазик е дијалект, за Македонија не е ЕУ ни опција, ние од регионот треба да влеземе како таа творевина „ЕУ број 2“. Турција преговара 30 години, ама ние една од најнеразвиените држави со пропаднато судство ќе сме станеле членка до 2030. Тоа е нон-сенс, смета тој.За Крмов, провидно е и однесувањето на ДУИ. Излегувањето на ДУИ од Владата, како што вели тој, ќе биде три месеци без власт и потоа „Интегративците“ ќе имаат подобра позиција на изборите.

Македонија | пред 2 години

(ВИДЕО) Крмов со сериозни обвинувања: Извршниот директор на „Бехтел“ бил осуден од судот во Њујорк за МИТО од 5,2 милиони евра

Говор на пратеникот Борислав Крмов за предлог-Законот за утврдување на јавен интерес и номинирање на стратешки партнер, од групата закони за „Бехтел и Енка”.„Во 2014 година, извршниот директор на „Бехтел“ бил осуден од судот во Њујорк за МИТО од 5,2 милиони евра за местење на тендер во Египет.Понатаму, во Албанија, оваа компанија склучува договор за автопатот Драч - Кукс со почетна цена од 680 милиони, за на крај да стигне над милијарда евра. Овој автопат, исто како кај нас, почнува со многу доцнење, при што албанската држава ангажирала ревизор кој открил 84,7% неоправдано зголемување од почетната цена. ШТЕТАТА е проценета за 385 милиони евра за албанската држава!Дури и во студија на универзитетот Беркли се вели дека договорите со „Бехтел” на Балканот се непотребен ЛУКСУЗ за најсиромашните држави во Европа.Значи, СДСМ почна со ветувања дека ќе го става јавниот долг на бројчаник, дека државата со претходната власт ќе паднела во должничко ропство - за сега да се трансформира во партија која што ја става државата во ЗАЛОЖНИШТВО на една мултинационална корпорација!" истакна тој.

Македонија | пред 2 години

(ВИДЕО) Уништено е коритото на река Пчиња и 500 хектари плодна земја од нелегална експлоатација на песок, вели Крмов

Пратеникот Борислав Крмов од Левица вчера упати прашање кон Министерката за животна средина и просторно планирање во врска со искористувањето на реките во Македонија.Моите прашања се упатени кон Министерката за животна средина и просторно планирање и се однесуваат на две реки од многуте во Република Македонија кои свирепо се искористуваат и неповратно се уништуваат.Во случајот на реката Пчиња, од Катланово до селото Студена Бара нема педа која не е ископана, особено изразено во атерот на селата Горно, Средно и Долно Коњари. АД Водостопанство издава дозволи на фирми под превезот на уредување на речното корито за да вршат неуморна експлоатација на песок.Тука станува збор за 500 хектари плодно земјиште кои се неповратно уништени и кои биле дел од ЗИК Скопско поле. На тој простор има езера кои се 30 до 40 пати пошироки од самата река и длабоки и до 7 метри на одредени места.Влажноста на почвата е потполно нарушена додека подземните води кои жителите ги користеле за пиење се сега контаминирани. Во тие села луѓето имаат само техничка вода.Десет години систематски се уништува овој простор за да профитираат поединци, додека проблемите на селаните воопшто не биле приоритет за властите, и оваа голгота кулминира со минатогодишниот протест и блокирањето на патиштата околу селата.Сега повторно АД Водостопанство издава дозвола за наводно вадење на вишокот од песокот и доуредување на коритото.Зошто е само стопирана дозволата за експлоатација на песок, чакал и камен, а не и поништена, како што им е ветено на селаните и дали ќе го испочитувате вашето ветување за да ја поништите дозволата“, вели Крмов.

Македонија | пред 2 години

Итен повик: „Сите пред Собрание, сите! Излегувајте!“

Пратеникот на Левица, Борислав Крмов преку социјалните мрежи ги повика граѓаните да излезат пред Собранието.„СИТЕ ПРЕД СОБРАНИЕ, СИТЕ!!!Талат шверцерот ќе ја тера седницата до крај!Цел ден се сили, го крши Деловникот, се заканува ПРСТИ ЌЕ КРШЕЛ НА ПРАТЕНИЦИТЕ!Излегувајте сите пред Собрание!!!“, напиша Крмов.

Македонија | пред 3 години