Денес не е само празник. Денес е ден кога се потсетуваме дека слободата никогаш не била подарок, туку избор платен со храброст, жртва и непоколеблива верба.
Илинден е симбол на македонската државност, на идејата за слободна и достоинствена Македонија и на генерациите кои оставија вечен белег во историјата. Од Крушевската Република до АСНОМ, Илинден е темелот врз кој е изградена нашата држава.
Нека овој ден нè потсети дека најголема почит кон илинденците покажуваме кога ќе градиме подобро, поправедно и поодговорно општество – држава во која законите важат за сите, младите гледаат иднина, а заедништвото е посилно од поделбите.
За многу години Илинден!
Нека е честит 2 Август – Денот на Републиката! 🇲🇰
