(Видео) Македонски државјанин осомничен за три убиства уапсен во Тирана

⚡#Скопје1 • Македонски државјанин, Бесим Шерифи (52) од селото Копаница, Општина Сарај, кој бил баран со меѓународна потерница за три убиства извршени пред повеќе од 18 години, е уапсен денеска во Тирана. Албанската полиција соопшти дека Шерифи подолг период се криел во албанската престолнина, користејќи фалсификувани лични документи на име на државјанин од Косово.

— реклама —

View this post on Instagram

— реклама —

— реклама —

По повеќемесечни истраги, Специјалната оперативна единица го лоцирала осомничениот во реонот на Суво Езеро во Тирана, каде што бил уапсен со цел екстрадиција во Македонија. Проверките покажале дека против него постоела меѓународна потерница од Интерпол Скопје, поради извршено убиство на 5 октомври 2007 година во селото Копаница, кога биле убиени тројца луѓе.

— реклама —

При претресот кај него биле пронајдени и одземени фалсификуван косовски пасош, лична карта и возачка дозвола. Процедуралните материјали за кривичното дело „Фалсификување исправа“ се предадени до Обвинителството при Основниот суд во Тирана, а постапката за екстрадиција во Македонија е започната.