(Видео) Манасиевски: СДС и ДУИ ги бираа судиите и обвинителите во Мала Речица и на Бихаќка, тие се соработници на криминалот и корупцијата

Портпаролот на ВМРО-ДПМНЕ, Валентин Манасиевски, на денешната прес-конференција обвини дека СДС и ДУИ со години влијаеле врз правосудниот систем преку поставување свои кадри на високи позиции и порача дека, според него, за тоа мора да има одговорност.

Манасиевски тврди дека дел од судиите и обвинителите блиски до двете партии носат одлуки спротивни на правдата, но во согласност со нивните политички интереси.

— реклама —

Како примери ги наведе обвинителката Катерина Коларевиќ, за која тврдеше дека го затворила случајот „Мазут“, посочувајќи ги и функциите на нејзините родители во периодот на владеење на СДС и коалицијата со ДУИ.

Во своето обраќање Манасиевски го спомена и судијата Пајазит Пајазити, за кого тврдеше дека е близок до ДУИ и одлучувал во предметите поврзани со Блерим Рамадани, упадот во контролата на летање и Иџет Мемети.

— реклама —

Тој ја посочи и судијката Даниела Алексовска Стојановска, тврдејќи дека во нејзината куќа бил сместен штаб на СДС.

— реклама —

Како уште еден пример го наведе Ислам Абази, за кого Манасиевски тврдеше дека е близок до поранешниот лидер на ДУИ, Али Ахмети, и дека функцијата шеф на ОЈО ГОКК ја добил во периодот на претходната власт.

Според Манасиевски, овие случаи се дел од систем што СДС и ДУИ го граделе со години преку поставување лица на високи позиции во правосудството.

— реклама —

„И за овој систем мора да има одговорност. Ние не забораваме“, порача Манасиевски.