(Видео) Манасиевски: СДС, Левица и ДУИ секоја можност за договор ја претвораат во нов политички конфликт

Портпаролот на ВМРО-ДПМНЕ, Валентин Манасиевски, на денешната прес-конференција обвини дека СДС, Левица и ДУИ ја претвориле можноста за постигнување договор за новиот Изборен законик во политички конфликт.

— реклама —

На прес-конференција, Манасиевски изјави дека новиот Изборен законик бил резултат на повеќемесечни разговори и усогласувања, но дека опозициските партии, и покрај тоа што, според него, биле прифатени нивните барања, не го поддржале законското решение.

— реклама —

„Иако им прифативме сѐ што побараа, а тие барања, за волја на вистината, немаа никаква врска со суштината, тие потоа не го потпишаа законот кој повеќе им одговараше на нив отколку на ВМРО-ДПМНЕ“, изјави Манасиевски.

— реклама —

Тој оцени дека за СДС, Левица и ДУИ е поважно да создадат политички конфликт отколку да придонесат за решение што е во интерес на државата. Според него, на тој начин тие создаваат алиби за евентуален пораз на следните избори и се обидуваат да го намалат успехот на Македонија во спроведувањето на Реформската агенда.

— реклама —

Манасиевски порача дека ВМРО-ДПМНЕ ќе продолжи да работи, како што рече, во интерес на граѓаните и државата, без оглед на обидите политичките процеси да бидат претворени во политички пресметки.