(Видео) Маж пронајден мртов со траги на насилство во дом во Ѓорче Петров

Шеесет и двегодишен маж е пронајден починат во својот дом на подрачјето на општина Ѓорче Петров во Скопје, а на неговото тело биле забележани траги на насилство, потврдија од Министерството за внатрешни работи за „Скопје1“.

— реклама —

Случајот бил пријавен вчера, на 22 октомври, во 18:40 часот во СВР Скопје. Починатиот е идентификуван со иницијалите С.Ј. (62).

— реклама —

View this post on Instagram

„На 22.10.2026 во 18:40 часот во СВР Скопје било пријавено дека во својот дом на подрачјето на општина Ѓорче Петров во Скопје бил пронајден починат С.Ј. (62). Лекар од Итна медицинска помош констатирал смрт со траги на насилство“, информираат од МВР за „Скопје1“.

— реклама —

Полициски екипи извршиле увид на местото, а по наредба на јавен обвинител телото е предадено на обдукција, која треба да помогне во утврдувањето на причината за смртта.

Од МВР информираат дека се преземаат мерки за расчистување на случајот.