Премиерот Христијан Мицкоски го повика пратеникот Димитар Апасиев јавно да ги повтори и да ги докаже тврдењата што ги изнел од собраниската говорница, оценувајќи дека за секое јавно обвинение треба да постојат факти и докази.
Во реакцијата, Мицкоски го повика Апасиев да одржи прес-конференција и надвор од Собранието да ги повтори своите тврдења, со што, како што наведува, ќе има можност да ги докаже и пред надлежните институции.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Премиерот потврди дека Јордан Јанев му е баџанак, нагласувајќи дека роднинската поврзаност никогаш не била тајна. Сепак, според него, семејството на Јанев и бизнисот што го градел повеќе од 25 години не треба да бидат предмет на политички напади поради нивната роднинска врска.
„Политиката не смее да биде натпревар во навреди и обвинувања. Ако имате докази, изнесете ги. Ако немате, преземете одговорност за кажаното“, порача Мицкоски.
Тој заклучи дека вистината мора да биде иста и пред јавноста и пред судот.
