(Видео) Мицкоски: Со унгарскиот заем вративме долг и финансираме општински проекти

Премиерот Христијан Мицкоски, одговарајќи на пратеничко прашање во Собранието, ги отфрли критиките на лидерот на СДСМ, Венко Филипче, поврзани со унгарскиот заем, оценувајќи дека станува збор за најповолното задолжување што државата го обезбедила.

Мицкоски рече дека отворањето истрага во Унгарија за заемот е внатрешно прашање на таа држава и нагласи дека тоа, според него, само потврдува дека Македонија успеала да обезбеди финансиски средства под исклучително поволни услови.

— реклама —

Според премиерот, половина од заемот, односно 500 милиони евра, биле искористени за враќање на претходни долгови, додека дел од преостанатите средства се пласирани како субвенционирани кредити за компаниите со каматна стапка од 1,95 проценти.

— реклама —

Останатите средства, како што посочи, се наменети за финансирање на инфраструктурни проекти во општините, вклучително и во општини раководени од градоначалници од различни политички партии.

Мицкоски истакна дека и самата унгарска влада оценила дека заемот е одобрен под преференцијални услови и додаде дека, наместо критики, опозицијата треба да го поздрави ваквиот финансиски аранжман.

— реклама —

Тој го обвини Филипче дека изнесува, како што рече, невистинити тврдења во врска со заемот и неговата намена.

— реклама —