Силен земјотрес синоќа го погоди подрачјето на Сомбор, при што потресот бил најсилно почувствуван во Бездан околу 2:35 часот, на длабочина од 15 километри. Освен главниот удар, регистриран бил и уште еден, значително послаб земјотрес.
Потресот бил почувствуван и во Апатин и во околните населени места, а дел од граѓаните биле разбудени и видно вознемирени. На социјалните мрежи се појавија и првите снимки од моментот на земјотресот.
На Инстаграм страницата „Portal025.rs“ е објавено видео од надзорна камера во едно домаќинство, кое го регистрирало посилниот потрес од 4,1 степен според Рихтеровата скала.
Граѓаните сведочат дека тресењето било силно и невообичаено. Дел од нив изјавиле дека им се треселе креветите, додека други помислиле дека станува збор за експлозија.
„Целиот кревет се тресеше“, „Почувствував како слика паѓа од полицата“, „Прв ваков земјотрес во мојот живот, мислев дека е бомба“, „Се чувствувавме како да сме до железничка пруга, прозорците и плакарите крцкаа“ се дел од сведоштвата на жителите на Сомбор.
